Fotos do curso 2011 e da excursión a Fátima

Deixovos as fotos do curso de centro de mesa do 2011 e da excurisón a fátima. Aquí tedes as do curso e aquí as de fátima

Reunión anual Mulleres Rurais

A mediados do mes de Setembro tivo lugar unha nova edición da reunión anual da asociación. Como puntos do día aparecían os seguintes:

 - Recordatorio de pago da cota anual: a todas aquelas que coma min vos retrasastes no pago recordarvos que podedes efectualo na conta de Caixa Nova da asociación.

 - Inicio dun curso de manualidades: Efectuarase o incio do curso de manualidades o día 1 de outubro. Este curso será impartido por Marisol, e nel ensinaranos como decorar unha cesta, unha peneira e ata un cadro. Xa tendes ganas de velo feito verdade???

 -Excursión a Fátima: Os días 5 e 6 faremos unha viaxe a Fátima. O custo é de 55 euros con todo incluido, e realizarase se conseguimos moita xente para acompañarnos. Ánimo e a contarllo a todos os vosos amigos!!!!!

 -Cea de nadal: Quedou xa posta a data da cea de nadal que será o día 17 de decembro. Ide reservando o día.

 Ata aquí todo por hoxe. En breve empezaremos a facer un breve resumo de todas estas actividades, e espero adxuntar tamén algunha que outra foto. Un saudo rapazas

Datos sobre o blog

Unha vez publicada a primeira entrada no blog quero contarvos que a dereita do blog hai unha zona que pon Links na que pon o enlace a dous sitios. O primeiro pon postres Mari e é un blog persoal meu no que hai recetas de postres. O segundo pon fotos e nel accededes o album de fotos no que están as fotos do curso e no que porei as fotos que saquemos de aquí en adiante. Se alguén ten un blog ou unha páxina persoal que me envíe a dirección e eu porei un enlace a esa páxina dende aquí.

Un saúdo.

Curso de manualidades

A finais do mes de Outubro comeza no Multiusos de Maceda o primeiro curso de manualidades para as mulleres rurais da asociación da Serra de San Mamede. O curso ten como finalidade a creación de bandexas e pratos decorados. A técnica era un tanto complexa pero coa axuda da mestra e coa boa vontade de todas as asistentes o resultado foi espectacular. Pese a ter varios problemas de falta de material e de falta de tempo o resultado foi o esperado e todas nos o pasamos en grande entre tanta cor, tanta servilleta e tantos problemas coas tesoiras que parecían ter vida propia e cortaban onde non debían. O resultado: unhas xornadas realmente agradables e unha nova manualidade aprendida. Esperamos que haxa pronto outro curso destes...